jab usne nahin dekha jab usko nahin bhai

jab us ne nahīñ dekhā jab us ko nahīñ bhaa.ī

kis kaam kī ārā.ish kis kaam kī zebā.ī

ye kār-e-mohabbat bhī kyā kār-e-mohabbat hai

ik harf-e-tamannā hai aur us kī pazīrā.ī

ik pal kī masāfat thī is dil se tire dil tak

is raah meñ bhī lekin ik umr bitā aa.ī

jab koī use dekhe bas dekhtā rah jaa.e

ye husn kī ḳhūbī hai ye husn kī yaktā.ī

ye mauj-e-havā yūñhī itrātī nahīñ phirtī

us phuul se mil aa.ī ḳhushbū bhī churā laa.ī

ik zard sā patta thā jab shāḳh se bichhḌā thā

maiñ raah meñ bikhrā thā jab mauj-e-havā aa.ī

jab us ne nahin dekha jab us ko nahin bhai

kis kaam ki aaraish kis kaam ki zebai

ye kar-e-mohabbat bhi kya kar-e-mohabbat hai

ek harf-e-tamanna hai aur us ki pazirai

ek pal ki masafat thi is dil se tere dil tak

is rah mein bhi lekin ek umr bita aai

jab koi use dekhe bas dekhta rah jae

ye husn ki KHubi hai ye husn ki yaktai

ye mauj-e-hawa yunhi itraati nahin phirti

us phul se mil aai KHushbu bhi chura lai

ek zard sa patta tha jab shaKH se bichhDa tha

main rah mein bikhra tha jab mauj-e-hawa aai