jab us zulf ki baat chali

jab us zulf kī baat chalī

Dhalte Dhalte raat Dhalī

un āñkhoñ ne luuT ke bhī

apne uupar baat na lī

sham.a kā anjām na pūchh

parvānoñ ke saath jalī

ab ke bhī vo duur rahe

ab ke bhī barsāt chalī

'ḳhātir' ye hai bāzi-e-dil

is meñ jiit se maat bhalī

jab us zulf ki baat chali

Dhalte Dhalte raat Dhali

un aankhon ne luT ke bhi

apne upar baat na li

shama ka anjam na puchh

parwanon ke sath jali

ab ke bhi wo dur rahe

ab ke bhi barsat chali

'KHatir' ye hai bazi-e-dil

is mein jit se mat bhali