jab wo but ham-kalam hota hai
jab vo but ham-kalām hotā hai
dil o diiñ kā payām hotā hai
un se hotā hai sāmnā jis din
duur hī se salām hotā hai
dil ko rokūñ ki chashm-e-giryāñ ko
ek hī ḳhuub kaam hotā hai
aap haiñ aur majma-e-aġhyār
roz darbār-e-ām hotā hai
ziist se tañg haiñ na chheḌ hameñ
dekh ġhussa harām hotā hai
liije muusā se lan-tarānī kī
ab to ham se kalām hotā hai
'dāġh' kā naam sun ke vo bole
aadmī kā ye naam hotā hai
jab wo but ham-kalam hota hai
dil o din ka payam hota hai
un se hota hai samna jis din
dur hi se salam hota hai
dil ko rokun ki chashm-e-giryan ko
ek hi KHub kaam hota hai
aap hain aur majma-e-aghyar
roz darbar-e-am hota hai
zist se tang hain na chheD hamein
dekh ghussa haram hota hai
lije musa se lan-tarani ki
ab to hum se kalam hota hai
'dagh' ka nam sun ke wo bole
aadmi ka ye nam hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
