jab wo iqrar-e-ashnai kare

jab vo iqrār-e-āshnā.ī kare

gul kaf-e-shāḳh ko hinā.ī kare

jis ko kam kam niyāz-e-jāñ ho nasīb

koī iqdām-e-intihā.ī kare

phir se tālīf-e-dil ho phir koī

is sahīfe kī rū-numā.ī kare

sheva-e-ahl-e-dil yahī hai ki tū

bai.at-e-dast-e-nā-rasā.ī kare

dil meñ shauq-e-nabard hai itnā

har hazīmat mujhe rajā.ī kare

qurb meñ jab anā kī duurī ho

koī kyuuñ ḳhvāhish-e-judā.ī kare

jab wo iqrar-e-ashnai kare

gul kaf-e-shaKH ko hinai kare

jis ko kam kam niyaz-e-jaan ho nasib

koi iqdam-e-intihai kare

phir se talif-e-dil ho phir koi

is sahife ki ru-numai kare

shewa-e-ahl-e-dil yahi hai ki tu

baiat-e-dast-e-na-rasai kare

dil mein shauq-e-nabard hai itna

har hazimat mujhe rajai kare

qurb mein jab ana ki duri ho

koi kyun KHwahish-e-judai kare