jabin-e-shauq pe gard-e-malal chahti hai
jabīn-e-shauq pe gard-e-malāl chāhtī hai
mirī hayāt safar kā ma.aal chāhtī hai
maiñ vus.atoñ kā talabgār apne ishq meñ huuñ
vo merī zaat meñ ik yarġhamāl chāhtī hai
hameñ ḳhabar hai ki us mehrbāñ kī chāragarī
hamāre zaḳhmoñ kā kab indimāl chāhtī hai
tumhāre baad mirī aañkh zid pe aa ga.ī hai
vahī jamāl vahī ḳhadd-o-ḳhāl chāhtī hai
ham us ke jabr kā qissa tamām chāhte haiñ
aur us kī teġh hamārā zavāl chāhtī hai
harī rutoñ ko idhar kā pata nahīñ mālūm
barhana shāḳh abas dekh-bhāl chāhtī hai
jabin-e-shauq pe gard-e-malal chahti hai
meri hayat safar ka maal chahti hai
main wusaton ka talabgar apne ishq mein hun
wo meri zat mein ek yarghamal chahti hai
hamein KHabar hai ki us mehrban ki chaaragari
hamare zaKHmon ka kab indimal chahti hai
tumhaare baad meri aankh zid pe aa gai hai
wahi jamal wahi KHadd-o-KHal chahti hai
hum us ke jabr ka qissa tamam chahte hain
aur us ki tegh hamara zawal chahti hai
hari ruton ko idhar ka pata nahin malum
barhana shaKH abas dekh-bhaal chahti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
