jabin par KHak hai ye kis ke dar ki

jabīñ par ḳhaak hai ye kis ke dar kī

balā.eñ le rahā huuñ apne sar kī

ubhar aa.ī haiñ phir choTeñ jigar kī

salāmat barchhiyāñ tirchhī nazar kī

qayāmat kī haqīqat jāntā huuñ

ye ik Thokar hai mere fitnagar kī

kiyā majbūr ā.īn-e-vafā ne

na karnī thī vafā tum se magar kī

na mānoge na mānoge hamārī

udhar ho jā.egī duniyā idhar kī

huī an-ban kisī se mujh pe barse

balā.eñ mere sar dushman ke sar kī

na tere husn-e-be-parvā kī ġhāyat

na koī had mire zauq-e-nazar kī

jabin par KHak hai ye kis ke dar ki

balaen le raha hun apne sar ki

ubhar aai hain phir choTen jigar ki

salamat barchhiyan tirchhi nazar ki

qayamat ki haqiqat jaanta hun

ye ek Thokar hai mere fitnagar ki

kiya majbur aain-e-wafa ne

na karni thi wafa tum se magar ki

na manoge na manoge hamari

udhar ho jaegi duniya idhar ki

hui an-ban kisi se mujh pe barse

balaen mere sar dushman ke sar ki

na tere husn-e-be-parwa ki ghayat

na koi had mere zauq-e-nazar ki