jafaon ki numaish hai kisi se kuchh nahin bolen

jafāoñ kī numā.ish hai kisī se kuchh nahīñ boleñ

sitamgar kī satā.ish hai kisī se kuchh nahīñ boleñ

mujhe tanhā.ī paḌhnī hai magar ḳhāmosh lahje meñ

yahī mahfil kī ḳhvāhish hai kisī se kuchh nahīñ boleñ

mire afkār pe bole baḌī tahzīb se zāhid

muqaddar āzmā.ish hai kisī se kuchh nahīñ boleñ

ye jo behāl sā manzar ye jo bīmār se ham tum

siyāsat kī navāzish hai kisī se kuchh nahīñ boleñ

udhar hai jaam hāthoñ meñ laboñ pe muskurāhaT hai

udhar jab ḳhuuñ kī bārish hai kisī se kuchh nahīñ boleñ

mulāzim banñā thā kis ko mulāzim ban gayā koī

hunar zer-e-sifārish hai kisī se kuchh nahīñ boleñ

zabāñ āzād hai jo bhī vahī to zinda hai lekin

zabāñ pe kaisī bandish hai kisī se kuchh nahīñ boleñ

adāvat kī yahāñ 'az.har' jo ik chiñgārī uTThī thī

vo bantī jaatī ātish hai kisī se kuchh nahīñ boleñ

jafaon ki numaish hai kisi se kuchh nahin bolen

sitamgar ki sataish hai kisi se kuchh nahin bolen

mujhe tanhai paDhni hai magar KHamosh lahje mein

yahi mahfil ki KHwahish hai kisi se kuchh nahin bolen

mere afkar pe bole baDi tahzib se zahid

muqaddar aazmaish hai kisi se kuchh nahin bolen

ye jo behaal sa manzar ye jo bimar se hum tum

siyasat ki nawazish hai kisi se kuchh nahin bolen

udhar hai jam hathon mein labon pe muskurahaT hai

udhar jab KHun ki barish hai kisi se kuchh nahin bolen

mulazim banna tha kis ko mulazim ban gaya koi

hunar zer-e-sifarish hai kisi se kuchh nahin bolen

zaban aazad hai jo bhi wahi to zinda hai lekin

zaban pe kaisi bandish hai kisi se kuchh nahin bolen

adawat ki yahan 'azhar' jo ek chingari uTThi thi

wo banti jati aatish hai kisi se kuchh nahin bolen