jahan ahd-e-tamanna KHatm ho jae

jahāñ ahd-e-tamannā ḳhatm ho jaa.e

azāb-e-jāvedānī zindagī hai

rulātī hai mujhe kyuuñ chāñdnī raat

yahī ik raaz merī zindagī hai

ḳhalish ho dard ho kāhish ho kuchh ho

faqat jiinā bhī koī zindagī hai

halāk-anjām takmīl-e-tamannā

baqā-e-ārzū hī zindagī hai

jigar meñ Tiis lab hañsne pe majbūr

kuchh aisī hī hamārī zindagī hai

vo chāhe jis qadar bhī muḳhtasar ho

mohabbat kī javānī zindagī hai

umīdeñ mar chukīñ maiñ jī rahā huuñ

ajab be-iḳhtiyārī zindagī hai

javānī aur hañgāmoñ se ḳhālī

ye jiinā hai ye koī zindagī hai

guzārī thiiñ ḳhushī kī chand ghaḌiyāñ

unhīñ kī yaad merī zindagī hai

mohabbat donoñ jānib se mohabbat

na pūchho aah kaisī zindagī hai

jahan ahd-e-tamanna KHatm ho jae

azab-e-jawedani zindagi hai

rulati hai mujhe kyun chandni raat

yahi ek raaz meri zindagi hai

KHalish ho dard ho kahish ho kuchh ho

faqat jina bhi koi zindagi hai

halak-anjam takmil-e-tamanna

baqa-e-arzu hi zindagi hai

jigar mein Tis lab hansne pe majbur

kuchh aisi hi hamari zindagi hai

wo chahe jis qadar bhi muKHtasar ho

mohabbat ki jawani zindagi hai

umiden mar chukin main ji raha hun

ajab be-iKHtiyari zindagi hai

jawani aur hangamon se KHali

ye jina hai ye koi zindagi hai

guzari thin KHushi ki chand ghaDiyan

unhin ki yaad meri zindagi hai

mohabbat donon jaanib se mohabbat

na puchho aah kaisi zindagi hai