jahan bhar mein mere dil sa koi ghar ho nahin sakta
jahan bhar mein mere dil sa koi ghar ho nahin sakta
Ghulam Husain Sajid
MORE BYGhulam Husain Sajid
jahāñ bhar meñ mire dil sā koī ghar ho nahīñ saktā
ki aisī ḳhaak par aisā samundar ho nahīñ saktā
ravāñ rahtā hai kaise chain se apne kināroñ meñ
ye dariyā merī betābī kā maz.har ho nahīñ saktā
kisī kī yaad se dil kā añdherā aur baḌhtā hai
ye ghar mere sulagne se munavvar ho nahīñ saktā
bahut be-tāb hotā huuñ maiñ us ko dekh kar lekin
sitāra terī āñkhoñ se to baḌh kar ho nahīñ saktā
ye mauj-e-umr har shai ko bahut tabdīl kartī hai
magar jo saañs letā hai vo patthar ho nahīñ saktā
maiñ us duniyā meñ rahtā huuñ ki jis duniyā ke logoñ ko
ḳhushī kā ek lamha bhī mayassar ho nahīñ saktā
jahan bhar mein mere dil sa koi ghar ho nahin sakta
ki aisi KHak par aisa samundar ho nahin sakta
rawan rahta hai kaise chain se apne kinaron mein
ye dariya meri betabi ka mazhar ho nahin sakta
kisi ki yaad se dil ka andhera aur baDhta hai
ye ghar mere sulagne se munawwar ho nahin sakta
bahut be-tab hota hun main us ko dekh kar lekin
sitara teri aankhon se to baDh kar ho nahin sakta
ye mauj-e-umr har shai ko bahut tabdil karti hai
magar jo sans leta hai wo patthar ho nahin sakta
main us duniya mein rahta hun ki jis duniya ke logon ko
KHushi ka ek lamha bhi mayassar ho nahin sakta
- Book : Quarterly Urdu International (Pg. 122)
- Author : Ashfaq Hussain
- Publication : 80, Richmond Street West, Suite 201, Toronto, Ontario Canada M5H 2A4 (May, July 1983 Issue-2)
- Edition : May, July 1983 Issue-2
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
