jahan dhuan tha wahin raushni ke dagh bhi the

jahāñ dhuāñ thā vahīñ raushnī ke daaġh bhī the

mire makān ke malbe meñ kuchh charāġh bhī the

zarā sī der meñ mahfil ko kyā huā yā-rab

abhī to shaam bhī thī mai bhī thī ayāġh bhī the

zamīn bech ke rahte the āsmānoñ par

mire buzurgoñ meñ vo sāhib-e-farāġh bhī the

ḳhudā bhī dekh ke chup thā ki mere dāman meñ

jahāñ gunāh vahīñ āñsuoñ ke daaġh bhī the

jo ham jale to dil-o-jāñ chamak uThe 'qaisar'

bahut dinoñ se ye vīrāne be-charāġh bhī the

jahan dhuan tha wahin raushni ke dagh bhi the

mere makan ke malbe mein kuchh charagh bhi the

zara si der mein mahfil ko kya hua ya-rab

abhi to sham bhi thi mai bhi thi ayagh bhi the

zamin bech ke rahte the aasmanon par

mere buzurgon mein wo sahib-e-faragh bhi the

KHuda bhi dekh ke chup tha ki mere daman mein

jahan gunah wahin aansuon ke dagh bhi the

jo hum jale to dil-o-jaan chamak uThe 'qaisar'

bahut dinon se ye virane be-charagh bhi the