jahan-e-rang-o-bu mein mustaqil taKHliq-e-masti hai
jahan-e-rang-o-bu mein mustaqil taKHliq-e-masti hai
Seemab Akbarabadi
MORE BYSeemab Akbarabadi
jahān-e-rañg-o-bū meñ mustaqil taḳhlīq-e-mastī hai
chaman meñ raat bhar bantī hai aur din bhar barastī hai
nigāh-e-ishq o chashm-e-husn do sāvan ke bādal hai
ye jab milte haiñ dil par ek bijlī sī barastī hai
agar hai zindagī manzūr be-soche fanā ho jā
mazāq-e-āshiqī meñ nīstī kā naam hastī hai
yakāyak phir charāġh ummīd ke hone lage raushan
ye sub.h-e-roz-e-mahshar hai ki shām-e-sub.h-e-hastī hai
ḳhudā se hukm-e-tansīḳh-e-ajal māñgeñge mahshar meñ
magar 'sīmāb' ye to qissa-e-mā-bād-e-hastī hai
jahan-e-rang-o-bu mein mustaqil taKHliq-e-masti hai
chaman mein raat bhar banti hai aur din bhar barasti hai
nigah-e-ishq o chashm-e-husn do sawan ke baadal hai
ye jab milte hain dil par ek bijli si barasti hai
agar hai zindagi manzur be-soche fana ho ja
mazaq-e-ashiqi mein nisti ka nam hasti hai
yakayak phir charagh ummid ke hone lage raushan
ye subh-e-roz-e-mahshar hai ki sham-e-subh-e-hasti hai
KHuda se hukm-e-tansiKH-e-ajal mangenge mahshar mein
magar 'simab' ye to qissa-e-ma-baad-e-hasti hai
- Book : Intekhab-e-Sukhan(Jild-2) (Pg. 252)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
