jahan-e-tang mein tanha hua main

jahān-e-tañg meñ tanhā huā maiñ

bahut achchhā huā rusvā huā maiñ

mirī āñkhoñ kā pahchānā huā tū

nigāh-e-dahr kā dekhā huā maiñ

ubhar aa.ī havā kī mauj sar meñ

harīf-e-mauja-e-dariyā huā maiñ

jabīn-e-āb kī tahrīr duniyā

hurūf-e-sañg se likkhā huā maiñ

fanā ke haath meñ merī baqā hai

ḳhud apnī ḳhaak se paidā huā maiñ

huī vābasta mujh se tursh-ruī

ki nashsha huuñ magar utrā huā maiñ

chhupā huuñ aaj tak us kī nazar se

zamāne bhar pe ā.īna huā maiñ

jahan-e-tang mein tanha hua main

bahut achchha hua ruswa hua main

meri aankhon ka pahchana hua tu

nigah-e-dahr ka dekha hua main

ubhar aai hawa ki mauj sar mein

harif-e-mauja-e-dariya hua main

jabin-e-ab ki tahrir duniya

huruf-e-sang se likkha hua main

fana ke hath mein meri baqa hai

KHud apni KHak se paida hua main

hui wabasta mujh se tursh-rui

ki nashsha hun magar utra hua main

chhupa hun aaj tak us ki nazar se

zamane bhar pe aaina hua main