jahan mein jo kai gul-badan KHush-nayan hai

jahāñ meñ jo ka.ī gul-badan ḳhush-nayan hai

bahut jī ko pyārā hai aur man-haran hai

ye sab ḳhūbiyāñ tujh meñ haiñgī parī-rū

tū hī man-haran hai tū hī chit lagan hai

dīvāna huuñ us dam ki jis dam kaheñ haiñ

shakar-lab bhī kyā ḳhuub shīrīñ bachan hai

zarā pyaar se jis se tū hañs ke bole

to be-shak use bādshāhī ḳhutan hai

tajallā tirā jin ne Tuk dekh paayā

valī hai vo phir aur falātūñ-zaman hai

tire aavne kī ḳhabar sun ke pyāre

khaḌā muntazir saarā nargis-chaman hai

bhalā tujh ko duniyā meñ koī kyuuñ ki paave

na ghar kahīñ terā kahīñ na vatan hai

hai sab meñ milā aur sab se nirālā

'ajab terī qudrat 'ajab terā fan hai

tū ab ḳhvāh nazdīk yā duur hī rah

tirī yaad jī meñ mire rāt-din hai

ġhanīmat hai mujh ko buzurgī ye itnī

maiñ tālib huuñ terā aur tū jān-e-man hai

karam kī nazar se zarā dekh īdhar

tirā 'nain' 'ājiz hai rañgīñ-suḳhan hai

jahan mein jo kai gul-badan KHush-nayan hai

bahut ji ko pyara hai aur man-haran hai

ye sab KHubiyan tujh mein haingi pari-ru

tu hi man-haran hai tu hi chit lagan hai

diwana hun us dam ki jis dam kahen hain

shakar-lab bhi kya KHub shirin bachan hai

zara pyar se jis se tu hans ke bole

to be-shak use baadshahi KHutan hai

tajalla tera jin ne Tuk dekh paya

wali hai wo phir aur falatun-zaman hai

tere aawne ki KHabar sun ke pyare

khaDa muntazir sara nargis-chaman hai

bhala tujh ko duniya mein koi kyun ki pawe

na ghar kahin tera kahin na watan hai

hai sab mein mila aur sab se nirala

'ajab teri qudrat 'ajab tera fan hai

tu ab KHwah nazdik ya dur hi rah

teri yaad ji mein mere raat-din hai

ghanimat hai mujh ko buzurgi ye itni

main talib hun tera aur tu jaan-e-man hai

karam ki nazar se zara dekh idhar

tera 'nain' 'ajiz hai rangin-suKHan hai