jahan mein kahan baham ulfat rahi hai
jahan mein kahan baham ulfat rahi hai
Gulam Yahya Huzur Azimabadi
MORE BYGulam Yahya Huzur Azimabadi
jahāñ meñ kahāñ bāham ulfat rahī hai
magar sirf sāhib-salāmat rahī hai
hai afsos ai umr jaane kā tere
ki tū mere paas ek muddat rahī hai
ye tūfān-e-ashk is meñ āñkhoñ kī kashtī
ta.ajjub hai kyuuñ kar salāmat rahī hai
agarche tirī yaad meñ ḳhush huuñ lekin
in āñkhoñ se dekhūñ ye hasrat rahī hai
mat ummīd bose kī rakh dilbaroñ se
'huzūr' ab kise itnī himmat rahī hai
jahan mein kahan baham ulfat rahi hai
magar sirf sahib-salamat rahi hai
hai afsos ai umr jaane ka tere
ki tu mere pas ek muddat rahi hai
ye tufan-e-ashk is mein aankhon ki kashti
tajjub hai kyun kar salamat rahi hai
agarche teri yaad mein KHush hun lekin
in aankhon se dekhun ye hasrat rahi hai
mat ummid bose ki rakh dilbaron se
'huzur' ab kise itni himmat rahi hai
- Dewan-e-Huzoor (E-Book)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
