jahan mein kaun kah sakta hai tumko bewafa tum ho
jahāñ meñ kaun kah saktā hai tum ko bevafā tum ho
ye thoḌī vaz.a-dārī hai ki dushman-āshnā tum ho
tabāhī sāmne maujūd hai gar āshnā tum ho
ḳhudā hāfiz hai us kashtī kā jis ke nāḳhudā tum ho
jafā-jū be-muravvat bevafā nā-āshnā tum ho
magar itnī burā.ī par bhī kitne ḳhush-numā tum ho
bharosā ġhair ko hogā tumhārī āshnā.ī kā
tum apnī zid pe aa jaao to kis ke āshnā tum ho
koī dil-shād hotā hai koī nāshād hotā hai
kisī ke mudda.ī tum ho kisī kā mudda.ā tum ho
'zahīr' us kā nahīñ shikva na kī gar qadr gardūñ ne
zamāna jāntā hai tum ko jaise ḳhush-navā tum ho
jahan mein kaun kah sakta hai tum ko bewafa tum ho
ye thoDi waza-dari hai ki dushman-ashna tum ho
tabahi samne maujud hai gar aashna tum ho
KHuda hafiz hai us kashti ka jis ke naKHuda tum ho
jafa-ju be-murawwat bewafa na-ashna tum ho
magar itni burai par bhi kitne KHush-numa tum ho
bharosa ghair ko hoga tumhaari aashnai ka
tum apni zid pe aa jao to kis ke aashna tum ho
koi dil-shad hota hai koi nashad hota hai
kisi ke muddai tum ho kisi ka muddaa tum ho
'zahir' us ka nahin shikwa na ki gar qadr gardun ne
zamana jaanta hai tum ko jaise KHush-nawa tum ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
