jahan se dosh-e-azizan pe bar ho ke chale
jahan se dosh-e-azizan pe bar ho ke chale
Zain-ul-Abideen Khan Arif
MORE BYZain-ul-Abideen Khan Arif
jahāñ se dosh-e-azīzāñ pe baar ho ke chale
ye sū-e-mulk-e-adam sharmsār ho ke chale
hamāre dekhne ko ḳhush abhī se haiñ a.adā
zarā na dekh sake ashk-bār ho ke chale
pahuñch hī jāoge mai-ḳhāne meñ ḳhizar tum bhī
hamāre saath jo yāroñ ke yaar ho ke chale
tumhārī rah kā rahā ham ko har taraf dhokā
chale jidhar ko so be-iḳhtiyār ho ke chale
sanā-nigār ye hai kis ke ḳhalq kā 'ārif'
qalam varaq pe na kyuuñ ashk-bār ho ke chale
jahan se dosh-e-azizan pe bar ho ke chale
ye su-e-mulk-e-adam sharmsar ho ke chale
hamare dekhne ko KHush abhi se hain aada
zara na dekh sake ashk-bar ho ke chale
pahunch hi jaoge mai-KHane mein KHizar tum bhi
hamare sath jo yaron ke yar ho ke chale
tumhaari rah ka raha hum ko har taraf dhoka
chale jidhar ko so be-iKHtiyar ho ke chale
sana-nigar ye hai kis ke KHalq ka 'arif'
qalam waraq pe na kyun ashk-bar ho ke chale
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
