jahan tegh-e-himmat alam dekhte hain

jahāñ teġh-e-himmat alam dekhte haiñ

mahālāt kā sar qalam dekhte haiñ

jo baiThe the yaañ pā-ba-dāmān-e-hastī

unheñ sar-ba-jeb-e-adam dekhte haiñ

kamālāt-e-sāne.a pe jin kī nazar hai

vo ḳhūbī-e-masnūa kam dekhte haiñ

nahīñ mubtalā jo tan-āsāniyoñ meñ

unheñ dam-ba-dam tāza-dam dekhte haiñ

nahīñ jin ko jāh-o-hasham kā takabbur

vahī lutf-e-jāh-o-hasham dekhte haiñ

shikam-parvarī jin kā sheva hai un ko

asīr-e-jafā-e-shikam dekhte haiñ

bas ai rañg-o-bū tū na kar naaz be-jā

ḳhudā jaane kyā baat ham dekhte haiñ

uḌāte haiñ jo raḳhsh-e-himmat ko sarpaT

vo manzil ko zer-e-qadam dekhte haiñ

jahan tegh-e-himmat alam dekhte hain

mahaalat ka sar qalam dekhte hain

jo baiThe the yan pa-ba-daman-e-hasti

unhen sar-ba-jeb-e-adam dekhte hain

kamalat-e-sanea pe jin ki nazar hai

wo KHubi-e-masnua kam dekhte hain

nahin mubtala jo tan-asaniyon mein

unhen dam-ba-dam taza-dam dekhte hain

nahin jin ko jah-o-hasham ka takabbur

wahi lutf-e-jah-o-hasham dekhte hain

shikam-parwari jin ka shewa hai un ko

asir-e-jafa-e-shikam dekhte hain

bas ai rang-o-bu tu na kar naz be-ja

KHuda jaane kya baat hum dekhte hain

uDate hain jo raKHsh-e-himmat ko sarpaT

wo manzil ko zer-e-qadam dekhte hain