jahan tujhko biTha kar pujte hain pujne wale

jahāñ tujh ko biThā kar pūjte haiñ pūjne vaale

vo mandir aur hote haiñ shivāle aur hote haiñ

dahān-e-zaḳhm se kahte haiñ jin ko marhabā bismil

vo ḳhanjar aur hote haiñ vo bhāle aur hote haiñ

jinheñ mahrūmī-e-tāsīr hī asl-e-tamannā hai

vo aaheñ aur hotī haiñ vo naale aur hote haiñ

jinheñ hāsil hai terā qurb ḳhush-qismat sahī lekin

tirī hasrat liye mar jaane vaale aur hote haiñ

jo Thokar hī nahīñ khāte vo sab kuchh haiñ magar vaa.iz

vo jin ko dast-e-rahmat ḳhud sambhāle aur hote haiñ

talāsh-e-sham.a se paidā hai soz-e-nā-tamām 'aḳhtar'

ḳhud apnī aag meñ jal jaane vaale aur hote haiñ

jahan tujh ko biTha kar pujte hain pujne wale

wo mandir aur hote hain shiwale aur hote hain

dahan-e-zaKHm se kahte hain jin ko marhaba bismil

wo KHanjar aur hote hain wo bhaale aur hote hain

jinhen mahrumi-e-tasir hi asl-e-tamanna hai

wo aahen aur hoti hain wo nale aur hote hain

jinhen hasil hai tera qurb KHush-qismat sahi lekin

teri hasrat liye mar jaane wale aur hote hain

jo Thokar hi nahin khate wo sab kuchh hain magar waiz

wo jin ko dast-e-rahmat KHud sambhaale aur hote hain

talash-e-shama se paida hai soz-e-na-tamam 'aKHtar'

KHud apni aag mein jal jaane wale aur hote hain