jahan walon se barti is qadar be-gangi maine

jahāñ vāloñ se bartī is qadar be-gāngī maiñ ne

ki barham kar liyā apnā nizām-e-zindagī maiñ ne

sikhā.e husn-e-kāfir ko salīqe ḳhud-numā.ī ke

sañvārā pai-ba-pai apnā mazāq-e-āshiqī maiñ ne

hue raushan na phir bhī bām-o-dar fikr-o-tasavvur ke

hazāroñ baar kī bazm-e-jahāñ meñ raushnī maiñ ne

dil-e-nā-āqibat-andesh kī kotāh-bīnī kī

kabhī tā.īd kī maiñ ne kabhī tardīd kī maiñ ne

hazāroñ baar tahzīb-o-tamaddun kī fazā badlī

hazāroñ baar ik duniyā na.ī ābād kī maiñ ne

kyā ifshā na rāz-e-ġham kisī par jīte-jī 'fāriġh'

baḌe sabr-o-tahammul se basar kī zindagī maiñ ne

jahan walon se barti is qadar be-gangi main ne

ki barham kar liya apna nizam-e-zindagi main ne

sikhae husn-e-kafir ko saliqe KHud-numai ke

sanwara pai-ba-pai apna mazaq-e-ashiqi main ne

hue raushan na phir bhi baam-o-dar fikr-o-tasawwur ke

hazaron bar ki bazm-e-jahan mein raushni main ne

dil-e-na-aqibat-andesh ki kotah-bini ki

kabhi taid ki main ne kabhi tardid ki main ne

hazaron bar tahzib-o-tamaddun ki faza badli

hazaron bar ek duniya nai aabaad ki main ne

kya ifsha na raaz-e-gham kisi par jite-ji 'farigh'

baDe sabr-o-tahammul se basar ki zindagi main ne