jahan wahm-o-guman ho jaega kya

jahāñ vahm-o-gumāñ ho jā.egā kyā

yahāñ sab kuchh dhuāñ ho jā.egā kyā

sitāre dhuul aur miTTī baneñge

samundar āsmāñ ho jā.egā kyā

tumhārā ishq to lā-hāsilī hai

ye ġham bhī rā.egāñ ho jā.egā kyā

yuuñ sar par haath rakh kar chal rahe ho

to is se sā.ebāñ ho jā.egā kyā

ye merā iḳhtitām-e-zindagī bhī

kahīñ pe darmiyāñ ho jā.egā kyā

kisī kā dukh samajhtā hī nahīñ jo

zamāna mehrbāñ ho jā.egā kyā

bahut kuchh hai yahāñ kahne ke laa.eq

magar sab kuchh bayāñ ho jā.egā kyā

haañ aadam kī nishānī hai ye insāñ

magar ye be-nishāñ ho jā.egā kyā

mujhe marnā to hai ik roz 'dānish'

magar ye nā-gahāñ ho jā.egā kyā

jahan wahm-o-guman ho jaega kya

yahan sab kuchh dhuan ho jaega kya

sitare dhul aur miTTi banenge

samundar aasman ho jaega kya

tumhaara ishq to la-hasili hai

ye gham bhi raegan ho jaega kya

yun sar par hath rakh kar chal rahe ho

to is se saeban ho jaega kya

ye mera iKHtitam-e-zindagi bhi

kahin pe darmiyan ho jaega kya

kisi ka dukh samajhta hi nahin jo

zamana mehrban ho jaega kya

bahut kuchh hai yahan kahne ke laeq

magar sab kuchh bayan ho jaega kya

han aadam ki nishani hai ye insan

magar ye be-nishan ho jaega kya

mujhe marna to hai ek roz 'danish'

magar ye na-gahan ho jaega kya