jaise aks-e-falak habab mein ho

jaise aks-e-falak habāb meñ ho

ek qatra kahīñ sarāb meñ ho

ashk-e-sākit meñ kyā jagā ġham-e-ishq

chāñd āġhosh-e-ḳhvāb-e-āb meñ ho

na hañse apnī bebasī par bhī

kyā patā kaun kis azaab meñ ho

aa.ī hai phir kisī ke haq meñ sazā

jurm kis ke magar savāb meñ ho

dil ḳhizāñ-gāh-e-do-jahāñ hī sahī

rañg-e-ḳhūñ aisā kis gulāb meñ ho

jo maiñ zarre se is jahāñ kī huuñ fikr

kyā ajab jo ye iztirāb meñ ho

harf-e-āḳhir lage hai qaul mirā

ik savāl-e-nihāñ javāb meñ ho

in do misroñ meñ hai mirī āvāz

phuul jaise koī kitāb meñ ho

jaise aks-e-falak habab mein ho

ek qatra kahin sarab mein ho

ashk-e-sakit mein kya jaga gham-e-ishq

chand aaghosh-e-KHwab-e-ab mein ho

na hanse apni bebasi par bhi

kya pata kaun kis azab mein ho

aai hai phir kisi ke haq mein saza

jurm kis ke magar sawab mein ho

dil KHizan-gah-e-do-jahan hi sahi

rang-e-KHun aisa kis gulab mein ho

jo main zarre se is jahan ki hun fikr

kya ajab jo ye iztirab mein ho

harf-e-aKHir lage hai qaul mera

ek sawal-e-nihan jawab mein ho

in do misron mein hai meri aawaz

phul jaise koi kitab mein ho