jale charagh bujhane ki zid nahin karte
jale charāġh bujhāne kī zid nahīñ karte
ab aa ga.e ho to jaane kī zid nahīñ karte
kisī kī aañkh meñ aañsū hameñ pasand nahīñ
diloñ ke zaḳhm dikhāne kī zid nahīñ karte
tumhāre naam kā bhī zikr ho na jaa.e kahīñ
ġhazal ke sher sunāne kī zid nahīñ karte
hamāre saa.e bhī raste meñ chhoḌ jaate hai
hamārā saath nibhāne kī zid nahīñ karte
ḳhalā meñ koī imārat kabhī nahīñ Tiktī
vahāñ makān banāne kī zid nahīñ karte
ye shahr-e-sañg hai patthar ke log rahte haiñ
yahāñ pe phol khilāne kī zid nahīñ karte
zamīn jaisā kahīñ chāñd bhī na ho jaa.e
zamīñ pe chāñd ko laane kī zid nahīñ karte
jale charagh bujhane ki zid nahin karte
ab aa gae ho to jaane ki zid nahin karte
kisi ki aankh mein aansu hamein pasand nahin
dilon ke zaKHm dikhane ki zid nahin karte
tumhaare nam ka bhi zikr ho na jae kahin
ghazal ke sher sunane ki zid nahin karte
hamare sae bhi raste mein chhoD jate hai
hamara sath nibhane ki zid nahin karte
KHala mein koi imarat kabhi nahin Tikti
wahan makan banane ki zid nahin karte
ye shahr-e-sang hai patthar ke log rahte hain
yahan pe phol khilane ki zid nahin karte
zamin jaisa kahin chand bhi na ho jae
zamin pe chand ko lane ki zid nahin karte
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
