jalsa ye taziyat ka abhi multawi rakhen

jalsa ye tā'ziyat kā abhī multavī rakheñ

yūñhī zarā sī der ko bas mar gayā huuñ maiñ

ghar par mire ye bhiiḌ yuñhī be-sabab nahīñ

mujh ko ye lag rahā hai ki kuchh kar gayā huuñ maiñ

merā badan hai ye ki hai godām ruuh kā

ḳhālī karo mujhe ki bahut bhar gayā huuñ maiñ

kuchh aur behtarī kā bhī imkān thā pa ḳhair

aayā thā jitnā us se to behtar gayā huuñ maiñ

jalsa ye ta'ziyat ka abhi multawi rakhen

yunhi zara si der ko bas mar gaya hun main

ghar par mere ye bhiD yunhi be-sabab nahin

mujh ko ye lag raha hai ki kuchh kar gaya hun main

mera badan hai ye ki hai godam ruh ka

KHali karo mujhe ki bahut bhar gaya hun main

kuchh aur behtari ka bhi imkan tha pa KHair

aaya tha jitna us se to behtar gaya hun main