jalta hua jo chhoD gaya taq par mujhe

jaltā huā jo chhoḌ gayā taaq par mujhe

dekhā na is ne luuT ke pichhle pahar mujhe

vahshat se thā navāznā itnā agar mujhe

sahrā diyā hai kyuuñ faqat āfāq bhar mujhe

maiñ gūñjtā thā harf meñ Dhalne se peshtar

gherā hai ab sukūt ne aurāq par mujhe

shām-o-sahar kī gardisheñ bhī dekhnī to haiñ

ab chaak se utaar mire kūza-gar mujhe

daryā-e-maug-ḳhez bhī jis par savār thā

honā paḌā savār usī naav par mujhe

mujh meñ taḌap rahā hai koī chashma-e-sukūt

zarb-e-asā se dekh kabhī toḌ kar mujhe

pahuñchā kidhar yahāñ na zamīñ hai na āsmāñ

ab kaun sī masāfateñ karnī haiñ sar mujhe

the ganj-e-be-qayās tah-e-qulzum-e-vajūd

Duubā jo maiñ to mil ga.e la.al-o-guhar mujhe

jo lā sake na taab hī mere junūn kī

is dasht-e-kam-savād meñ dāḳhil na kar mujhe

shāyad haTā hai ġhaib kā parda 'rafīq-rāz'

aatā hai naḳhl-e-āb pe sho.ala nazar mujhe

jalta hua jo chhoD gaya taq par mujhe

dekha na is ne luT ke pichhle pahar mujhe

wahshat se tha nawazna itna agar mujhe

sahra diya hai kyun faqat aafaq bhar mujhe

main gunjta tha harf mein Dhalne se peshtar

ghera hai ab sukut ne auraq par mujhe

sham-o-sahar ki gardishen bhi dekhni to hain

ab chaak se utar mere kuza-gar mujhe

darya-e-maug-KHez bhi jis par sawar tha

hona paDa sawar usi naw par mujhe

mujh mein taDap raha hai koi chashma-e-sukut

zarb-e-asa se dekh kabhi toD kar mujhe

pahuncha kidhar yahan na zamin hai na aasman

ab kaun si masafaten karni hain sar mujhe

the ganj-e-be-qayas tah-e-qulzum-e-wajud

Duba jo main to mil gae lal-o-guhar mujhe

jo la sake na tab hi mere junun ki

is dasht-e-kam-sawad mein daKHil na kar mujhe

shayad haTa hai ghaib ka parda 'rafiq-raaz'

aata hai naKHl-e-ab pe shoala nazar mujhe