jalwa-e-yar meri rahguzar tak pahunche

jalva-e-yār mirī rāhguzar tak pahuñche

zauq-e-dīdār agar tāb-e-nazar tak pahuñche

us kī ye zid mire qadmoñ ko nahīñ thī manzūr

us ne chāhā to bahut thā mire sar tak pahuñche

aa ga.ī sharm davāoñ ko asar kar na sakīñ

jab uThe haath duāoñ ke asar tak pahuñche

fitna-gar naam isī kā hai amal radd-e-amal

tere fitne the palaT kar tire dar tak pahuñche

tū bhī pahchān na pā.egā ḳhad-o-ḳhāl tire

tere bahrūp agar merī nazar tak pahuñche

mere apne hī mirī piiTh ke ḳhanjar nikle

ġhair to mujh ko bachāne mire ghar tak pahuñche

ek sirf aap haiñ milte nahīñ us se varna

log ye faḳhr se kahte haiñ 'qamar' tak pahuñche

jalwa-e-yar meri rahguzar tak pahunche

zauq-e-didar agar tab-e-nazar tak pahunche

us ki ye zid mere qadmon ko nahin thi manzur

us ne chaha to bahut tha mere sar tak pahunche

aa gai sharm dawaon ko asar kar na sakin

jab uThe hath duaon ke asar tak pahunche

fitna-gar nam isi ka hai amal radd-e-amal

tere fitne the palaT kar tere dar tak pahunche

tu bhi pahchan na paega KHad-o-KHal tere

tere bahrup agar meri nazar tak pahunche

mere apne hi meri piTh ke KHanjar nikle

ghair to mujh ko bachane mere ghar tak pahunche

ek sirf aap hain milte nahin us se warna

log ye faKHr se kahte hain 'qamar' tak pahunche