jalwa-numa hai chand sitaro ba-ehtiyat

jalva-numā hai chāñd sitāro ba-ehtiyāt

mahv-e-jamāl-e-yār nazāro ba-ehtiyāt

zulf-e-vafā to pahle sañvāro ba-ehtiyāt

phir jazba-hā-e-shauq ubhāro ba-ehtiyāt

nāz-o-niyāz sehn-e-chaman meñ raheñ zarūr

aao ba-sad-niyāz bahāro ba-ehtiyāt

vaqt-e-sahar duā ke liye haath uTh ga.e

palkoñ pe rahnā ġham ke sitāro ba-ehtiyāt

allāh ke huzūr meñ chalnā hai shād-kām

karnā hai nek kaam jo yaaro ba-ehtiyāt

insāñ kī ḳhud-satā.iyāñ gumrāh kar chalīñ

yaaro tum apnā vaqt guzāro ba-ehtiyāt

'āsī' vo sab kī suntā hai parvardigār hai

māñgo ba-sad-ḳhulūs pukāro ba-ehtiyāt

jalwa-numa hai chand sitaro ba-ehtiyat

mahw-e-jamal-e-yar nazaro ba-ehtiyat

zulf-e-wafa to pahle sanwaro ba-ehtiyat

phir jazba-ha-e-shauq ubhaaro ba-ehtiyat

naz-o-niyaz sehn-e-chaman mein rahen zarur

aao ba-sad-niyaz bahaaro ba-ehtiyat

waqt-e-sahar dua ke liye hath uTh gae

palkon pe rahna gham ke sitaro ba-ehtiyat

allah ke huzur mein chalna hai shad-kaam

karna hai nek kaam jo yaro ba-ehtiyat

insan ki KHud-sataiyan gumrah kar chalin

yaro tum apna waqt guzaro ba-ehtiyat

'asi' wo sab ki sunta hai parwardigar hai

mango ba-sad-KHulus pukaro ba-ehtiyat