jalwa us but ka charagh-e-rah-e-irfan nikla

jalva us but kā charāġh-e-rah-e-irfāñ niklā

dair se ho ke barahman bhī musalmāñ niklā

baiTh kar dil se na phir tiir kā paikāñ niklā

haa.e ik parda-nashīñ jaan kā ḳhvāhāñ niklā

uf re shoḳhī kī adā bazm-e-azā se merī

muskurātā huā vo fitna-e-daurāñ niklā

kis kī zulfoñ kā tasavvur thā dam-e-fikr-e-suḳhan

dil se mazmūn jo niklā vo pareshāñ niklā

aaj ik jaam pe saaqī ne chaḌhā.ī tyorī

iid ke din bhī hilāl-e-mah-e-ramazāñ niklā

rāh-e-sahrā-e-junūñ qais se bhī tai na huī

ek ik zarre meñ ek ek bayābāñ niklā

naam hai ma.arka-e-sher meñ apnā 'safdar'

haath se mere na ab tak koī maidāñ niklā

jalwa us but ka charagh-e-rah-e-irfan nikla

dair se ho ke barahman bhi musalman nikla

baiTh kar dil se na phir tir ka paikan nikla

hae ek parda-nashin jaan ka KHwahan nikla

uf re shoKHi ki ada bazm-e-aza se meri

muskuraata hua wo fitna-e-dauran nikla

kis ki zulfon ka tasawwur tha dam-e-fikr-e-suKHan

dil se mazmun jo nikla wo pareshan nikla

aaj ek jam pe saqi ne chaDhai tyori

id ke din bhi hilal-e-mah-e-ramazan nikla

rah-e-sahra-e-junun qais se bhi tai na hui

ek ek zarre mein ek ek bayaban nikla

nam hai marka-e-sher mein apna 'safdar'

hath se mere na ab tak koi maidan nikla