jalwe dikhae yar ne apni harim-e-naz mein

jalve dikhā.e yaar ne apnī harīm-e-nāz meñ

sajde chamak chamak uThe mere sar-e-niyāz meñ

jalva-e-dīd meñ tirī shola-e-tūr thā nihāñ

aag sī aur lag ga.ī mere dil-e-gudāz meñ

shauq ne khīch lī mire yaar kī jab naqāb-e-ruḳh

husn kī raushnī huī jalva-gah-e-majāz meñ

ishq kī be-hijābiyāñ husn kī parda-dāriyāñ

hone lagī talāshiyāñ naaz meñ aur niyāz meñ

dil meñ liyā adāoñ ne sabr-o-qarār bhī liyā

luT gayā ghar bharā huā jumbish-e-chashm-e-nāz meñ

merī nazar ke milte hī un kī nigāh jhuk ga.ī

dil ko javāb mil gayā chashm-e-fusūñ-tarāz meñ

sehr vo hī kashish vo hī mastī-o-be-ḳhudī vo hī

terī nazar samā ga.ī nargis-e-nīm-bāz meñ

paañv figār meñ to hoñ dil to nahīñ figār-e-ġham

koī sanam nahīñ na ho dasht-e-junūñ-navāz meñ

jalva-e-yār dekh kar tuur pe ġhash hue kalīm

aql-o-ḳhirad kā kaam kyā mahfil-e-husn-o-nāz meñ

kar le ḳhudā kī bandagī 'anvar'-e-ḳhasta-dil zarā

bhuul na apne rab ko tū nafs kī hirs-o-āz meñ

jalwe dikhae yar ne apni harim-e-naz mein

sajde chamak chamak uThe mere sar-e-niyaz mein

jalwa-e-did mein teri shola-e-tur tha nihan

aag si aur lag gai mere dil-e-gudaz mein

shauq ne khich li mere yar ki jab naqab-e-ruKH

husn ki raushni hui jalwa-gah-e-majaz mein

ishq ki be-hijabiyan husn ki parda-dariyan

hone lagi talashiyan naz mein aur niyaz mein

dil mein liya adaon ne sabr-o-qarar bhi liya

luT gaya ghar bhara hua jumbish-e-chashm-e-naz mein

meri nazar ke milte hi un ki nigah jhuk gai

dil ko jawab mil gaya chashm-e-fusun-taraaz mein

sehr wo hi kashish wo hi masti-o-be-KHudi wo hi

teri nazar sama gai nargis-e-nim-baz mein

panw figar mein to hon dil to nahin figar-e-gham

koi sanam nahin na ho dasht-e-junun-nawaz mein

jalwa-e-yar dekh kar tur pe ghash hue kalim

aql-o-KHirad ka kaam kya mahfil-e-husn-o-naz mein

kar le KHuda ki bandagi 'anwar'-e-KHasta-dil zara

bhul na apne rab ko tu nafs ki hirs-o-az mein