jamal ab to yahi rah gaya pata us ka

'jamāl' ab to yahī rah gayā pata us kā

bhalī sī shakl thī achchhā sā naam thā us kā

phir ek saaya dar-o-bām par utar aayā

dil-o-nigāh meñ phir zikr chhiḌ gayā us kā

kise ḳhabar thī ki ye din bhī dekhnā hogā

ab e'tibār bhī dil ko nahīñ rahā us kā

jo mere zikr par ab qahqahe lagātā hai

bichhaḌte vaqt koī haal dekhtā us kā

mujhe tabāh kiyā aur sab kī nazroñ meñ

vo be-qusūr rahā ye kamāl thā us kā

so kis se kījiye zikr-e-nazākat-e-ḳhad-o-ḳhāl

koī milā hī nahīñ sūrat-āshnā us kā

jo saaya saaya shab-o-roz mere saath rahā

galī galī meñ pata pūchhtā phirā us kā

'jamāl' us ne to Thānī thī umr-bhar ke liye

ye chaar roz meñ kyā haal ho gayā us kā

'jamal' ab to yahi rah gaya pata us ka

bhali si shakl thi achchha sa nam tha us ka

phir ek saya dar-o-baam par utar aaya

dil-o-nigah mein phir zikr chhiD gaya us ka

kise KHabar thi ki ye din bhi dekhna hoga

ab e'tibar bhi dil ko nahin raha us ka

jo mere zikr par ab qahqahe lagata hai

bichhaDte waqt koi haal dekhta us ka

mujhe tabah kiya aur sab ki nazron mein

wo be-qusur raha ye kamal tha us ka

so kis se kijiye zikr-e-nazakat-e-KHad-o-KHal

koi mila hi nahin surat-ashna us ka

jo saya saya shab-o-roz mere sath raha

gali gali mein pata puchhta phira us ka

'jamal' us ne to Thani thi umr-bhar ke liye

ye chaar roz mein kya haal ho gaya us ka