jamal-e-husn ko jab be-hijab dekhenge

jamāl-e-husn ko jab be-hijāb dekheñge

nigāh-e-shauq tirā intiḳhāb dekheñge

majāl-e-dīd na zauq-e-nazar milī jin ko

tajalliyāt ko vo be-naqāb dekheñge

milegī un ko yaqīnan sukūn kī daulat

baġhaur jab bhī ḳhudā kī kitāb dekheñge

hamārā shauq-e-safar manziloñ ko chhū legā

phir apne aap ko ham kāmyāb dekheñge

har ek lamha isī aas meñ guzartā hai

kabhī to bāb-e-risālat-ma.āb dekheñge

na 'dard' hogā na kuchh dard meñ kasak baaqī

jab un kā lutf-o-karam be-hisāb dekheñge

jamal-e-husn ko jab be-hijab dekhenge

nigah-e-shauq tera intiKHab dekhenge

majal-e-did na zauq-e-nazar mili jin ko

tajalliyat ko wo be-naqab dekhenge

milegi un ko yaqinan sukun ki daulat

baghaur jab bhi KHuda ki kitab dekhenge

hamara shauq-e-safar manzilon ko chhu lega

phir apne aap ko hum kaamyab dekhenge

har ek lamha isi aas mein guzarta hai

kabhi to bab-e-risalat-maab dekhenge

na 'dard' hoga na kuchh dard mein kasak baqi

jab un ka lutf-o-karam be-hisab dekhenge