jamal-e-yar ko parde ki ehtiyaj nahin
jamāl-e-yār ko parde kī ehtiyāj nahīñ
ye ḳhud hijāb-e-ruḳh-e-be-naqāb hotā hai
ab aur us ke muqābil kī justujū hai fuzūl
ki ḳhud nazāra nazar kā javāb hotā hai
baġhair 'ishq-o-mohabbat ke aadmī kā dil
vo aa.ina hai jo be-āb-o-tāb hotā hai
kahīñ nigāh-e-karam bhuul kar nahīñ hotī
kahīñ karam pe karam be-hisāb hotā hai
vo be-naqāb to hone ke vāste ho jaa.e
magar nizām-e-do-'ālam ḳharāb hotā hai
jamal-e-yar ko parde ki ehtiyaj nahin
ye KHud hijab-e-ruKH-e-be-naqab hota hai
ab aur us ke muqabil ki justuju hai fuzul
ki KHud nazara nazar ka jawab hota hai
baghair 'ishq-o-mohabbat ke aadmi ka dil
wo aaina hai jo be-ab-o-tab hota hai
kahin nigah-e-karam bhul kar nahin hoti
kahin karam pe karam be-hisab hota hai
wo be-naqab to hone ke waste ho jae
magar nizam-e-do-'alam KHarab hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
