jang jari hai KHandanon mein

jang jaarī hai ḳhāndānoñ meñ

ġhair mahfūz huuñ makānoñ meñ

lafz pathrā ga.e haiñ hoñToñ par

log kyā kah ga.e haiñ kānoñ meñ

raat ghar meñ thī sar-phirī āñdhī

sirf kāñTe haiñ phūl-dānoñ meñ

mā'badoñ kī ḳhabar nahīñ mujh ko

ḳhairiyat hai sharāb-ḳhānoñ meñ

ab sipar DhūñD koī apne liye

tiir kam rah ga.e kamānoñ meñ

nāḳhudā kyā ḳhudā rakhe mahfūz

vo havā.eñ haiñ bādbānoñ meñ

daal chunñe meñ haath ā.eñge

jitne kankar haiñ kār-ḳhānoñ meñ

DhūñDtā phir rahā huuñ ḳhālī haath

jaane kyā chiiz un dukānoñ meñ

jang jari hai KHandanon mein

ghair mahfuz hun makanon mein

lafz pathra gae hain honTon par

log kya kah gae hain kanon mein

raat ghar mein thi sar-phiri aandhi

sirf kanTe hain phul-danon mein

ma'badon ki KHabar nahin mujh ko

KHairiyat hai sharab-KHanon mein

ab sipar DhunD koi apne liye

tir kam rah gae kamanon mein

naKHuda kya KHuda rakhe mahfuz

wo hawaen hain baadbanon mein

dal chunne mein hath aaenge

jitne kankar hain kar-KHanon mein

DhunDta phir raha hun KHali hath

jaane kya chiz un dukanon mein