jashn barbaad KHayalon ka mana lun to chalun
jashn barbaad KHayalon ka mana lun to chalun
Syed Mubeen Alvi Khairabadi
MORE BYSyed Mubeen Alvi Khairabadi
jashn barbād ḳhayāloñ kā manā luuñ to chalūñ
mizha-e-shauq ko ġham-sāz banā luuñ to chalūñ
merī hastī meñ simaT aa.e añdhere ġham ke
sham-e-ulfat kī tire ġham meñ jalā luuñ to chalūñ
dil-e-betāb Thahar ashk-e-tamannā ke tufail
bazm-e-furqat ko sar-e-shām sajā luuñ to chalūñ
kaif taarī hai bahut aaj tasavvur meñ tire
ab zarā hosh ke māhaul meñ aa luuñ to chalūñ
un kā dīdār mire bas kā abhī kaam nahīñ
apnī nazroñ se hijābāt uThā luuñ to chalūñ
abhī sailāb pe dariyā hai safīna-bardosh
maiñ kisī mauj kī āġhosh meñ aa luuñ to chalūñ
jalva-gar sāmne hai aaj 'mubīn' un kā jamāl
pyaas āñkhoñ kī zarā aur bujhā luuñ to chalūñ
jashn barbaad KHayalon ka mana lun to chalun
mizha-e-shauq ko gham-saz bana lun to chalun
meri hasti mein simaT aae andhere gham ke
sham-e-ulfat ki tere gham mein jala lun to chalun
dil-e-betab Thahar ashk-e-tamanna ke tufail
bazm-e-furqat ko sar-e-sham saja lun to chalun
kaif tari hai bahut aaj tasawwur mein tere
ab zara hosh ke mahaul mein aa lun to chalun
un ka didar mere bas ka abhi kaam nahin
apni nazron se hijabaat uTha lun to chalun
abhi sailab pe dariya hai safina-bardosh
main kisi mauj ki aaghosh mein aa lun to chalun
jalwa-gar samne hai aaj 'mubin' un ka jamal
pyas aankhon ki zara aur bujha lun to chalun
- Book : Pirahn-e-harf (Pg. 104)
- Author : Mubeen Alvi Khairabadi
- Publication : Mubeen Alvi Khairabadi (1999)
- Edition : 1999
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
