جشن ہم یوں بھی منائیں دیر تک
آج کی شب خود سے الجھیں دیر تک
ساتھیوں میں جب فراست ہی نہیں
اک پہیلی کیا بجھائیں دیر تک
گفتگو کا اک طریقہ یہ بھی ہے
آؤ ہم خاموش بیٹھیں دیر تک
یہ تمہارے ظلم کی توہین ہے
شہر میں چیخیں نہ گونجیں دیر تک
رات کی بانہیں ہمیں بھینچے رہیں
اور پھر ہم خود کو سوچیں دیر تک
ہم خود اپنے خواب کی تعبیر ہیں
آئنہ پھر کیوں نہ دیکھیں دیر تک
راہ گیروں کے لیے پھیلی رہیں
بوڑھے برگد تیری شاخیں دیر تک
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
