jashn tha aish-o-tarab ki intiha thi main na tha

jashn thā aish-o-tarab kī intihā thī maiñ na thā

yaar ke pahlū meñ ḳhālī merī jā thī maiñ na thā

us ne kab barḳhāst ai dil mahfil-e-me.arāj kī

kis se pūchhūñ raat kam thī yā savā thī meñ na thā

maiñ taḌap kar mar gayā dekhā na us ne jhāñk kar

us sitamgar ko aziiz apnī hayā thī maiñ na thā

va.ada le letā ki khilvāna na mujh ko Thokareñ

ālam-e-arvāh meñ jis jā qazā thī maiñ na thā

sarf kartā kis ḳhushī se jā ke us meñ apnī ḳhaak

kyā kahūñ jis din banā.ī karbalā thī maiñ na thā

muñh na khul saktā na hote ham-kalām un se kalīm

umr bhar hasrat hī rahtī baat kyā thī maiñ na thā

le ga.ī thī mujh ko hasrat jānib-e-ḳhud-raftagī

jis taraf ko manzil-e-bīm-o-rajā thī maiñ na thā

dil ulaT jaatā mirā yā dam nikal jaatā mirā

shukr hai jab lan-tarānī kī sadā thī maiñ na thā

lāla-o-gul ko bachā letā ḳhizāñ se ai 'sharaf'

baaġh meñ jis vaqt nāzil ye balā thī maiñ na thā

jashn tha aish-o-tarab ki intiha thi main na tha

yar ke pahlu mein KHali meri ja thi main na tha

us ne kab barKHast ai dil mahfil-e-mearaj ki

kis se puchhun raat kam thi ya sawa thi mein na tha

main taDap kar mar gaya dekha na us ne jhank kar

us sitamgar ko aziz apni haya thi main na tha

wada le leta ki khilwana na mujh ko Thokaren

aalam-e-arwah mein jis ja qaza thi main na tha

sarf karta kis KHushi se ja ke us mein apni KHak

kya kahun jis din banai karbala thi main na tha

munh na khul sakta na hote ham-kalam un se kalim

umr bhar hasrat hi rahti baat kya thi main na tha

le gai thi mujh ko hasrat jaanib-e-KHud-raftagi

jis taraf ko manzil-e-bim-o-raja thi main na tha

dil ulaT jata mera ya dam nikal jata mera

shukr hai jab lan-tarani ki sada thi main na tha

lala-o-gul ko bacha leta KHizan se ai 'sharaf'

bagh mein jis waqt nazil ye bala thi main na tha