jawan rut thi phir afsane bhi nikle

javāñ rut thī phir afsāne bhī nikle

mire muñh par bahut daane bhī nikle

sabhī aa.e mirī jānib sambhal kar

magar kuchh tum se dīvāne bhī nikle

adhūre sher se kuchh ḳhvāb apne

hameñ nīñdoñ se bhaTkāne bhī nikle

tumhāre saath raste baaġh jaise

tumhāre ba.ad vīrāne bhī nikle

vo jab ThanDā huā ġhurbat ke hāthoñ

usī muTThī se chaar aane bhī nikle

vo suulī par bhī apne aap laTke

niko-kāroñ pe jurmāne bhī nikle

jawan rut thi phir afsane bhi nikle

mere munh par bahut dane bhi nikle

sabhi aae meri jaanib sambhal kar

magar kuchh tum se diwane bhi nikle

adhure sher se kuchh KHwab apne

hamein nindon se bhaTkane bhi nikle

tumhaare sath raste bagh jaise

tumhaare baad virane bhi nikle

wo jab ThanDa hua ghurbat ke hathon

usi muTThi se chaar aane bhi nikle

wo suli par bhi apne aap laTke

niko-karon pe jurmane bhi nikle