jazb hota ja raha hai dil mein dard-e-la-ilaj

jazb hotā jā rahā hai dil meñ dard-e-lā-ilāj

kyā isī marham se honā tai hai duniyā kā ilaaj

thī yahī ummīd bhī aur chāra-gar ne bhī kahā

aap kab ke mar chuke haiñ aap kā kaisā ilaaj

dil ko nā-manzūr thī tasvīr sī jhūTī davā

tai huā tark-e-ta.alluq hijr kā pahlā ilaaj

ḳhud-kushī kā faisla ye soch kar ham ne kiyā

kaun kartā zindagī kā maut se achchhā ilaaj

al-madad ai raqs-e-vahshat aaj mar jā.eñge ham

ai junūñ is be-sabab tanhā.ī ke tanhā ilaaj

jazb hota ja raha hai dil mein dard-e-la-ilaj

kya isi marham se hona tai hai duniya ka ilaj

thi yahi ummid bhi aur chaara-gar ne bhi kaha

aap kab ke mar chuke hain aap ka kaisa ilaj

dil ko na-manzur thi taswir si jhuTi dawa

tai hua tark-e-talluq hijr ka pahla ilaj

KHud-kushi ka faisla ye soch kar hum ne kiya

kaun karta zindagi ka maut se achchha ilaj

al-madad ai raqs-e-wahshat aaj mar jaenge hum

ai junun is be-sabab tanhai ke tanha ilaj