jazbaat ke qisse hain hunar lafz-gari hai

jazbāt ke qisse haiñ hunar lafz-garī hai

dīvāne ko ḳhairāt tire ġham se milī hai

palkoñ pe sajā.ī hai jo ashkoñ kī laḌī hai

ik bhūlī huī yaad kī tasvīr banī hai

ai rāhat-e-jāñ raaz ye ma.alūm hai ham ko

ik tere sivā jo bhī yahāñ shai hai burī hai

ḳhāmoshī hai ab merī samā.at kā taqāza

paa.el kī khanak kaan pe zanjīr-zanī hai

mad.hoshī kā aalam hai use vahm-o-gumāñ meñ

vahshat meñ kise chāk-e-garebāñ kī paḌī hai

dil zabt kī ātish meñ jalāyā hai musalsal

patthar bhī pighal jaa.e vo lafzoñ meñ namī hai

jazbaat ke qisse hain hunar lafz-gari hai

diwane ko KHairaat tere gham se mili hai

palkon pe sajai hai jo ashkon ki laDi hai

ek bhuli hui yaad ki taswir bani hai

ai rahat-e-jaan raaz ye malum hai hum ko

ek tere siwa jo bhi yahan shai hai buri hai

KHamoshi hai ab meri samaat ka taqaza

pael ki khanak kan pe zanjir-zani hai

madhoshi ka aalam hai use wahm-o-guman mein

wahshat mein kise chaak-e-gareban ki paDi hai

dil zabt ki aatish mein jalaya hai musalsal

patthar bhi pighal jae wo lafzon mein nami hai