jhapaTte hain jhapaTne ke liye parwaz karte hain
jhapaTte haiñ jhapaTne ke liye parvāz karte haiñ
kabūtar bhī vahī karne lage jo baaz karte haiñ
vahī qisse vahī bāteñ ki jo ġhammāz karte haiñ
tire hamrāz karte haiñ mire dam-sāz karte haiñ
ba-sad hiile bahāne zulm kā dar baaz karte haiñ
vahī jāñ-bāz jin par har ghaḌī ham naaz karte haiñ
ziyāda dekhte haiñ jab vo āñkheñ pher lete haiñ
nazar meñ rakh rahe hoñ to nazar-andāz karte haiñ
satā.ish-ghar ke pañkhoñ se havā to kam hī aatī hai
magar chalte haiñ jab zālim bahut āvāz karte haiñ
zamāne bhar ko apnā rāz-dāñ karne kī Thahrī hai
to behtar hai chalo us shoḳh ko hamrāz karte haiñ
Darātā hai bahut anjām-e-namrūdī mujhe 'ḳhālid'
ḳhudā lahje meñ jab bande suḳhan āġhāz karte haiñ
jhapaTte hain jhapaTne ke liye parwaz karte hain
kabutar bhi wahi karne lage jo baz karte hain
wahi qisse wahi baaten ki jo ghammaz karte hain
tere hamraaz karte hain mere dam-saz karte hain
ba-sad hile bahane zulm ka dar baz karte hain
wahi jaan-baz jin par har ghaDi hum naz karte hain
ziyaada dekhte hain jab wo aankhen pher lete hain
nazar mein rakh rahe hon to nazar-andaz karte hain
sataish-ghar ke pankhon se hawa to kam hi aati hai
magar chalte hain jab zalim bahut aawaz karte hain
zamane bhar ko apna raaz-dan karne ki Thahri hai
to behtar hai chalo us shoKH ko hamraaz karte hain
Daraata hai bahut anjam-e-namrudi mujhe 'KHalid'
KHuda lahje mein jab bande suKHan aaghaz karte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
