jidhar tujhko jate sanam dekhte hain

jidhar tujh ko jaate sanam dekhte haiñ

udhar pahroñ hasrat se ham dekhte haiñ

na.ī qabr kis kī banī hai ki jis par

tumhāre se naqsh-e-qadam dekhte haiñ

laboñ ko dabā.e hañsī ko churā.e

yūñhī marne vāloñ ko ham dekhte haiñ

ḳhudā jaane kyuuñ haath siine pe rakkhā

vo dil dekhte haiñ ki dam dekhte haiñ

muqaddar unhīñ kā muqaddar hai 'ismat'

jo īfā-e-qaul-o-qasam dekhte haiñ

jidhar tujh ko jate sanam dekhte hain

udhar pahron hasrat se hum dekhte hain

nai qabr kis ki bani hai ki jis par

tumhaare se naqsh-e-qadam dekhte hain

labon ko dabae hansi ko churae

yunhi marne walon ko hum dekhte hain

KHuda jaane kyun hath sine pe rakkha

wo dil dekhte hain ki dam dekhte hain

muqaddar unhin ka muqaddar hai 'ismat'

jo ifa-e-qaul-o-qasam dekhte hain