ji hai bahut udas tabiat hazin bahut

jī hai bahut udaas tabī.at hazīñ bahut

saaqī ko pyāla-e-mai-e-ātishīñ bahut

do gaz zamīñ fareb-e-vatan ke liye milī

vaise to āsmāñ bhī bahut haiñ zamīñ bahut

aisī bhī is havā meñ hai ik kāfirī kī rau

bujh bujh ga.e haiñ shola-e-īmān-o-dīñ bahut

be-bākiyoñ meñ fard bahut thī vo chashm-e-nāz

dil kī harīf ho ke uThī sharm-gīñ bahut

paikār-e-ḳhair-o-shar se guzar aa.ī zindagī

terī vafā kā daur thā ahd-āfrīñ bahut

fariyād thī chakīda-e-ḳhūn-e-gulū tamām

naġhma bhī ham-safīr thā kār-e-hazīñ bahut

ai dil tujhī pe ḳhatm nahīñ dāstān-e-ishq

afsāna-ḳhvāñ mile mizha o āstīñ bahut

aisī havā meñ ghar se nikalne kī jā na thī

varna tamām baat kā aatā yaqīñ bahut

ai inqalāb-e-rañg tabī.at sambhālnā

ham bhī uThe haiñ bazm se ab ke hazīñ bahut

ji hai bahut udas tabiat hazin bahut

saqi ko pyala-e-mai-e-atishin bahut

do gaz zamin fareb-e-watan ke liye mili

waise to aasman bhi bahut hain zamin bahut

aisi bhi is hawa mein hai ek kafiri ki rau

bujh bujh gae hain shola-e-iman-o-din bahut

be-bakiyon mein fard bahut thi wo chashm-e-naz

dil ki harif ho ke uThi sharm-gin bahut

paikar-e-KHair-o-shar se guzar aai zindagi

teri wafa ka daur tha ahd-afrin bahut

fariyaad thi chakida-e-KHun-e-gulu tamam

naghma bhi ham-safir tha kar-e-hazin bahut

ai dil tujhi pe KHatm nahin dastan-e-ishq

afsana-KHwan mile mizha o aastin bahut

aisi hawa mein ghar se nikalne ki ja na thi

warna tamam baat ka aata yaqin bahut

ai inqalab-e-rang tabiat sambhaalna

hum bhi uThe hain bazm se ab ke hazin bahut