ji mein kya kya meri umaha tha

jī meñ kyā kyā mirī umāhā thā

par huā vo jo haq kā chāhā thā

nibhī jab tak ki ham nibāh sake

aap ne ham ko kab nibāhā thā

luqqe do chaar saath jaate the

kaisā kal raat hī-hī haahā thā

chakkī raahā thā kyā balā ye raqīb

chakkī sā muñh to is kā raahā thā

kūche tere meñ raat ko jo ga.e

bhūle ham vaañ jahāñ dorāhā thā

tum jhaTak ga.e kuchh in dinoñ pyāre

Tok kis ne tumheñ sarāhā thā

tum pe thā jab ki ālam-e-tajrīd

un dinoñ maiñ bhī bin-biyāhā thā

jis galī biich jā nikalte the

tum par aur ham pe aahā aahā thā

aa ke tujh se jo thā milā laḌ kar

paayā kyā 'azfarī' ne laahā thā

ji mein kya kya meri umaha tha

par hua wo jo haq ka chaha tha

nibhi jab tak ki hum nibah sake

aap ne hum ko kab nibaha tha

luqqe do chaar sath jate the

kaisa kal raat hi-hi haha tha

chakki raha tha kya bala ye raqib

chakki sa munh to is ka raha tha

kuche tere mein raat ko jo gae

bhule hum wan jahan doraha tha

tum jhaTak gae kuchh in dinon pyare

Tok kis ne tumhein saraha tha

tum pe tha jab ki aalam-e-tajrid

un dinon main bhi bin-biyaha tha

jis gali bich ja nikalte the

tum par aur hum pe aaha aaha tha

aa ke tujh se jo tha mila laD kar

paya kya 'azfari' ne laha tha