ji rahe ya na rahe har qadam-e-yar na chhoD

jī rahe yā na rahe har qadam-e-yār na chhoḌ

ai patañge tū kabhī sham.a kā anvār na chhoḌ

sham.a tujh ko bhī munāsib tū vahāñ tak jal jā

sar se tā paa.e tilak rishta-e-zunnār na chhoḌ

lab-e-shīrīñ se agar ho na tirā lab shīrīñ

kohkan tū bhī to ab dāman-e-kohsār na chhoḌ

liilā haath aave na aave mile jo nāqa-savār

hāl-e-ġham se vo kare man.a par iz.hār na chhoḌ

lafz tū ne jo kahe haiñ vo hī haq ai mansūr

kalimatul-haq ko magar tā-ba-dam-e-dār na chhoḌ

ai zuleḳhā mah-e-kan.āñ ko le de maal matā.a

pesh baa.e ke koī mushtarī zinhār na chhoḌ

is nasīhat ko mirī maan ba-qaul 'afrīdī'

jī rahe yā na rahe par qadam-e-yār na chhoḌ

ji rahe ya na rahe har qadam-e-yar na chhoD

ai patange tu kabhi shama ka anwar na chhoD

shama tujh ko bhi munasib tu wahan tak jal ja

sar se ta pae tilak rishta-e-zunnar na chhoD

lab-e-shirin se agar ho na tera lab shirin

kohkan tu bhi to ab daman-e-kohsar na chhoD

lila hath aawe na aawe mile jo naqa-sawar

haal-e-gham se wo kare mana par izhaar na chhoD

lafz tu ne jo kahe hain wo hi haq ai mansur

kalimatul-haq ko magar ta-ba-dam-e-dar na chhoD

ai zuleKHa mah-e-kanan ko le de mal mataa

pesh bae ke koi mushtari zinhaar na chhoD

is nasihat ko meri man ba-qaul 'afridi'

ji rahe ya na rahe par qadam-e-yar na chhoD