ji talak aatish-e-hijran mein sambhaala na gaya

jī talak ātish-e-hijrāñ meñ sambhālā na gayā

ghar meñ sab kuchh thā pe ham se to nikālā na gayā

ojhal is hastī ke tinke ke yaqīnī thā pahāḌ

ye par-e-kāh hī par nazroñ se Taalā na gayā

go ki detā thā falak mol meñ dil ke do-jahāñ

itnī qīmat pe to is maal ko Daalā na gayā

raḳht bāñdhā na kis andoh o ḳhushī ne dil se

ik tire ġham hī kā is ghar se aTālā na gayā

kyā zar-e-dāġh na gardūñ ne diye 'qā.em' ko

is qalandar kā pa ik roz divālā na gayā

ji talak aatish-e-hijran mein sambhaala na gaya

ghar mein sab kuchh tha pe hum se to nikala na gaya

ojhal is hasti ke tinke ke yaqini tha pahaD

ye par-e-kah hi par nazron se Tala na gaya

go ki deta tha falak mol mein dil ke do-jahan

itni qimat pe to is mal ko Dala na gaya

raKHt bandha na kis andoh o KHushi ne dil se

ek tere gham hi ka is ghar se aTala na gaya

kya zar-e-dagh na gardun ne diye 'qaem' ko

is qalandar ka pa ek roz diwala na gaya