ji uThe hashr mein phir ji se guzarne wale

jī uThe hashr meñ phir jī se guzarne vaale

yaañ bhī paidā hue phir aap pe marne vaale

chuus kar kis ne chhuḌā.ī hai missī hoñThoñ kī

sāmne muñh to kareñ baat na karne vaale

shab-e-mātam kī udāsī hai suhānī kitnī

chhāñv meñ tāroñ kī nikle haiñ sañvarne vaale

ham to samjhe the ki dushman pe uThāyā ḳhanjar

tum ne jaanā ki hamīñ tum pe haiñ marne vaale

pī ke aa.e haiñ kahīñ haath na bahke vaa.iz

dāḌhī katreñ na kahīñ jeb katarne vaale

sin hī kyā hai abhī bachpan hī javānī meñ sharīk

so raheñ paas mire ḳhvāb meñ Darne vaale

haath gustāḳh haiñ uTh jaa.eñ na ye dāman par

bach ke nikleñ mire marqad se guzarne vaale

naza.a meñ hashr ke va.ade ne ye taskīñ baḳhshī

chain se so rahe muñh Dhāñp ke marne vaale

apne dāman ko sambhāle hue bhole-pan se

vo chale aate haiñ dil le ke mukarne vaale

sabr kī mere mujhe daad zarā de denā

o mire hashr ke din faisla karne vaale

aatī hai hūr-e-jināñ ḳhalvat-e-vā.iz ke liye

qabr meñ utreñge mimbar se utarne vaale

tere āshiq jo ga.e hashr meñ ye shor uThā

jaa.eñ dozaḳh meñ dam sard ke bharne vaale

zer-e-pā dil hī bichhe hoñ ki haiñ ḳhūgar us ke

farsh-e-gul par bhī nahīñ paaoñ vo dharne vaale

ashk-e-ġham aise nahīñ haiñ jo umañD kar rah jaa.eñ

haiñ ye tūfān mire sar se guzarne vaale

kyā mazā detī hai bijlī kī chamak mujh ko 'riyāz'

mujh se lapTe haiñ mire naam se Darne vaale

ji uThe hashr mein phir ji se guzarne wale

yan bhi paida hue phir aap pe marne wale

chus kar kis ne chhuDai hai missi honThon ki

samne munh to karen baat na karne wale

shab-e-matam ki udasi hai suhani kitni

chhanw mein taron ki nikle hain sanwarne wale

hum to samjhe the ki dushman pe uThaya KHanjar

tum ne jaana ki hamin tum pe hain marne wale

pi ke aae hain kahin hath na bahke waiz

daDhi katren na kahin jeb katarne wale

sin hi kya hai abhi bachpan hi jawani mein sharik

so rahen pas mere KHwab mein Darne wale

hath gustaKH hain uTh jaen na ye daman par

bach ke niklen mere marqad se guzarne wale

naza mein hashr ke wade ne ye taskin baKHshi

chain se so rahe munh Dhanp ke marne wale

apne daman ko sambhaale hue bhole-pan se

wo chale aate hain dil le ke mukarne wale

sabr ki mere mujhe dad zara de dena

o mere hashr ke din faisla karne wale

aati hai hur-e-jinan KHalwat-e-waiz ke liye

qabr mein utrenge mimbar se utarne wale

tere aashiq jo gae hashr mein ye shor uTha

jaen dozaKH mein dam sard ke bharne wale

zer-e-pa dil hi bichhe hon ki hain KHugar us ke

farsh-e-gul par bhi nahin paon wo dharne wale

ashk-e-gham aise nahin hain jo umanD kar rah jaen

hain ye tufan mere sar se guzarne wale

kya maza deti hai bijli ki chamak mujh ko 'riyaz'

mujh se lapTe hain mere nam se Darne wale