jina agar jahan mein hai aisa kare koi

jiinā agar jahāñ meñ hai aisā kare koī

ġham din meñ khaa.e raat ko royā kare koī

bastī meñ jānte haiñ sabhī ham ko ham haiñ kyā

bastī meñ aaj kyoñ hameñ rusvā kare koī

fursat hai kis ko shahr meñ jo sochtā rahe

koī kare burā.ī ki achchhā kare koī

be-vaqt kī salīb pe laTke hue haiñ aaj

kis muñh se dost terī tamannā kare koī

is raah meñ shajar kī koī chhāñv bhī nahīñ

kab tak safar kī dhuup meñ bhaTkā kare koī

'shāġhil' 'adīb' apnī ravish hī chaleñge ham

badleñge ham zarā nahīñ badlā kare koī

jina agar jahan mein hai aisa kare koi

gham din mein khae raat ko roya kare koi

basti mein jaante hain sabhi hum ko hum hain kya

basti mein aaj kyon hamein ruswa kare koi

fursat hai kis ko shahr mein jo sochta rahe

koi kare burai ki achchha kare koi

be-waqt ki salib pe laTke hue hain aaj

kis munh se dost teri tamanna kare koi

is rah mein shajar ki koi chhanw bhi nahin

kab tak safar ki dhup mein bhaTka kare koi

'shaghil' 'adib' apni rawish hi chalenge hum

badlenge hum zara nahin badla kare koi