jina hai KHub auron ki KHatir jiya karo

jiinā hai ḳhuub auroñ kī ḳhātir jiyā karo

ik-ādh saañs ḳhud bhī to lete rahā karo

kyā harj hai jo dil kī bhī sun lo kabhī kabhī

yuuñ apne aap se na hamesha laḌā karo

ye bār-e-zīst jhelte rahnā hai umr-bhar

apnī thakan pe Tik ke kabhī so liyā karo

hai bas-ki ḳhaak uḌāne kī āvārgī ko kho

raḳht-e-safar meñ ghar ko bhī bāñdhe phirā karo

af.ī bhī so rahe haiñ chamelī kī chhāñv meñ

nau-vārid-e-chaman ho sambhal kar chalā karo

kitnā kahā thā tum se ki mat khelo aag se

ab jo sulag paḌī hai to chupke jalā karo

jina hai KHub auron ki KHatir jiya karo

ik-adh sans KHud bhi to lete raha karo

kya harj hai jo dil ki bhi sun lo kabhi kabhi

yun apne aap se na hamesha laDa karo

ye bar-e-zist jhelte rahna hai umr-bhar

apni thakan pe Tik ke kabhi so liya karo

hai bas-ki KHak uDane ki aawargi ko kho

raKHt-e-safar mein ghar ko bhi bandhe phira karo

afi bhi so rahe hain chameli ki chhanw mein

nau-warid-e-chaman ho sambhal kar chala karo

kitna kaha tha tum se ki mat khelo aag se

ab jo sulag paDi hai to chupke jala karo