jine mein thi na naza ke ranj o mehan mein thi

jiine meñ thī na naza.a ke ranj o mehan meñ thī

āshiq kī ek baat jo dīvāna-pan meñ thī

saada varaq thā bāhama gul-hā-e-rañg-rañg

tafsīr jaan paak bayāz-e-kafan meñ thī

baḌhtā thā aur zauq-e-talab bekasī ke saath

kuchh dilkashī ajiib navāh-e-vatan meñ thī

bīmār jab haiñ karte haiñ fariyād chārāgar

kyā dāstān-e-dard sukūt-e-mahan meñ thī

kahtā thā chashm-e-shauq se vo āftāb-e-husn

halkī sī ik shuā thī jo anjuman meñ thī

kuchh iztirāb-e-ishq kā aalam na pūchhiye

bijlī taḌap rahī thī ki jaan is badan meñ thī

kis se kahūñ ki thī vahī gul-hā-e-rañg-rañg

bikhrī huī jo ḳhaak savād-e-chaman meñ thī

jine mein thi na naza ke ranj o mehan mein thi

aashiq ki ek baat jo diwana-pan mein thi

sada waraq tha bahama gul-ha-e-rang-rang

tafsir jaan pak bayaz-e-kafan mein thi

baDhta tha aur zauq-e-talab bekasi ke sath

kuchh dilkashi ajib nawah-e-watan mein thi

bimar jab hain karte hain fariyaad chaaragar

kya dastan-e-dard sukut-e-mahan mein thi

kahta tha chashm-e-shauq se wo aaftab-e-husn

halki si ek shua thi jo anjuman mein thi

kuchh iztirab-e-ishq ka aalam na puchhiye

bijli taDap rahi thi ki jaan is badan mein thi

kis se kahun ki thi wahi gul-ha-e-rang-rang

bikhri hui jo KHak sawad-e-chaman mein thi