jin dinon hum us shab-e-haz ke siyah-karon mein the

jin dinoñ ham us shab-e-haz ke siyah-kāroñ meñ the

us ayāġh-e-chashm ke paivasta mai-ḳhvāroñ meñ the

chauñk chauñk ab khīñcho ho dāman hamārī ḳhaak se

vo bhī sapnā ho gayā tum gul the ham ḳhāroñ meñ the

ḳhār-o-ḳhas mahram haiñ pur-fan garche ham rahe juuñ hubāb

ham tire ai bahr-e-husn āḳhir havā-dāroñ meñ the

ḳhaak bhī un kī hai shakl-e-sarv misl-e-gard-bād

is qadar āzād ke jiite giraftāroñ meñ the

ḳhasm jo miqrāz-e-gulchīñ haiñ tire ai sham.a-qad

juuñ patiñge jal ga.e ham jo tire yāroñ meñ the

us azīz-e-ḳhalq kī āñkhoñ ke do bādām par

bik ga.e vo sab jo yūsuf ke ḳharīdāroñ meñ the

ek patthar bhī na aayā sar pe 'uzlat' ab kī saal

ga.e kidhar tiflāñ jo dīvānoñ ke ġham-ḳhvāroñ meñ the

jin dinon hum us shab-e-haz ke siyah-karon mein the

us ayagh-e-chashm ke paiwasta mai-KHwaron mein the

chaunk chaunk ab khincho ho daman hamari KHak se

wo bhi sapna ho gaya tum gul the hum KHaron mein the

KHar-o-KHas mahram hain pur-fan garche hum rahe jun hubab

hum tere ai bahr-e-husn aaKHir hawa-daron mein the

KHak bhi un ki hai shakl-e-sarw misl-e-gard-baad

is qadar aazad ke jite giraftaron mein the

KHasm jo miqraaz-e-gulchin hain tere ai shama-qad

jun patinge jal gae hum jo tere yaron mein the

us aziz-e-KHalq ki aankhon ke do baadam par

bik gae wo sab jo yusuf ke KHaridaron mein the

ek patthar bhi na aaya sar pe 'uzlat' ab ki sal

gae kidhar tiflan jo diwanon ke gham-KHwaron mein the