jin se uThta nahin kali ka bojh

jin se uThtā nahīñ kalī kā bojh

un ke kandhoñ pe zindagī kā bojh

vaqt jab haath meñ nahīñ rahtā

kis liye haath par ghaḌī kā bojh

byaah ke vaqt kī koī photo

gahnoñ ke bojh par hañsī kā bojh

sar pe yādoñ kī Tokarī rakh lī

kam na hone diyā kamī kā bojh

minnateñ kyoñ kare ḳhudā se ab

aadmī bāñTe aadmī kā bojh

zabt kā bāñdh TuuT jaane do

kam karo aañkh se namī kā bojh

hijr thā ek hī ghaḌī kā par

dil se utrā na us ghaḌī kā bojh

ham ko aise ḳhudā qubūl nahīñ

jin se uThtā nahīñ ḳhudī kā bojh

jin se uThta nahin kali ka bojh

un ke kandhon pe zindagi ka bojh

waqt jab hath mein nahin rahta

kis liye hath par ghaDi ka bojh

byah ke waqt ki koi photo

gahnon ke bojh par hansi ka bojh

sar pe yaadon ki Tokari rakh li

kam na hone diya kami ka bojh

minnaten kyon kare KHuda se ab

aadmi banTe aadmi ka bojh

zabt ka bandh TuT jaane do

kam karo aankh se nami ka bojh

hijr tha ek hi ghaDi ka par

dil se utra na us ghaDi ka bojh

hum ko aise KHuda qubul nahin

jin se uThta nahin KHudi ka bojh